Piareersarfik Kujalleq aqqutissiuussisut naapinnerannik ingerlatsisuusoq

Piareersarfik Kujalleq nunap ilaani aqqutissiuussisunik ataatsimiititsinermik ingerlatsisuulersoq ilinniartoqarnikkut allaffissorneq suleriaatsillu samminerullugit ingerlatsiviusussami ulluni januarip 13-niik 15-ata tungaanut. Ataatsimiinnissaq Qaqortup Piareersarfiani ingerlanneqarpoq Kommuneqarfiup Piareersarfiinik, ilinniartoqarfinniik Namminersorlutillu Oqartussaniik peqataaffigineqartumik.

Siullertut pingaartinneqarluni sammisassatut inissinneqarsimavoq suleriaatsit periutsillu ilinniagaqarnissamik qinnuteqartoqartillugu iluarsaassineq tassungalu suliffeqarfiit ilinniarfiillu attuumasutillit sulisuinik tamaginnik pikkorissaatitsisoqassalluni.

Ataatsimiititsinermut tunuliaqutaavoq anguniarneqarami qinnuteqartut tamarmik qinnuteqarfimminnut tigutinnissaat. Ilinniagaqarnissamik qinnuteqaateqartoqaraangat suliaq aallartittarpoq Piareersarfik qitiulluni qinnuteqartorlu aqqutissiuunniarlugu saniatigullu ilinniarfinnut allanullumi qinnuteqarfiusunut attaveqarniarlutik. Piareersarfinni sulisut ilisimasaqarfigisariaqarpaat ilinniartoqarfinni sulisut allat sorpianik suliarinnittuunersut aammalumi taakku assiganik ilisarinnittuusussapput Piareersarfimmi sulisut suliaannut tunngatillugu.

Peqataasut suleqatigiinnut aggulullutik ulapilereerput suleriaatsinik ersarissaallutik imminnullu misilittakkaminnik tunioraannermik saniatigut ilinniartunik sullissinerpiaminni periutsiminnik saqqummiussuillutik aallartereerput.

Qulequttat makku sammineqarput qinnuteqarnermi periutsit, ilinniarfinnut tigutittoqartillugu periutsit, IT reg-ilerineq, Ilinniagaqarnersiuuteqarfiullu quppersagaa sammineqarlunittaaq. Ataatsimiinnerup  inernerisussaavaa siunissami suleriusissanik suleqatigiinnissamillu isumaqatigiissuteqarnerup saniatigut periutsinik suleriaatsinillu nutarsaaneq allannguinikkut ilinniagaqarniarlutik qinnuteqartut inuusuttunnguillu kommunemiittut eqqarsaatiginerullugit.