Majoriaq aqqutigalugu højskolertitsisinnaaneq

Danmarkimi højskolernikkut inoqatigiinnikkut inuttullu piginnaasanik inerikkiartortitsinissamut periarfissaqarluarpoq. Danmarkimi højskolinik assigiinngiiaartorpassuarnik ISNN suleqateqarpoq.

Qallunaat Nunaanni højskolit femtenit Majoriami ilinniartut højskolertittarnissaat pillugit ISNN isumaqatigiissuteqarpoq. Højskolit ilisarnaataat siammasittuupput, ileqquliussaasutut folkehøjskolinit assassorluni eqqumiitsuliorfiit inuusuttunullu højskolit aqqusaarlugit timersornermik højskolit ilanngullugit.

Højskolerneq inuttut inoqatigiinnilu piginnaanngorsarneruvoq
Inuusuttorpassuit utoqqaallu imminut tatigissusertik inuillu allat peqatigineri ajornartorsiuteqarfigaat. Inunnut taakkununnga iliuusissaq tassaasariaqarpoq inuttut inoqatigiinnilu piginnaasaasa qaffassarnissaat. Siunertamut tassunga højskolit piukkunnavissorput. Inunnik nunat allaneersorpassuarnit peqateqarnissap kalaallit højskolertut soqutigisaqartariaqartillugillu naapitaqarniarnissaannut pinngitsaalivai.

Aamma oqaatsit ilinniarneqarput!
Inuppassuarnik kalaaliunngitsunik peqateqarnermikkut Majoriami ilinniartut højskolimi ikinngutiminnik attaveqarniarunik qallunaatut tuluttullu oqaluttuariaqarput. Taamaalilluni højskolimi inoqatigiinni attaveqatigiinneq ilinniartut oqaasiisa pitsanngorsinissaannut aamma aallaaviulerpoq.

Højskolet pillugit aqqutissiuinermi filmi

NUIKI-mi aqqutissiuussisoq Karen Scharnbergi højskoleni pisortat 2017-imi apersornikuuaat, uanilu filmimi takusinnaavatit tusaallugillu højskoletik oqaluttuarigaat.

Filmi ilinniartunut aqqutissiuussinermi atorneqarsinnaavoq, kiisalu aamma aqqutissiuussisunut paasissutissanik pitsaasunik pissarsiffigisinnaavaat.

Uani filmi takuuk (linki)

Naalakkersuisoqarfimmi højskolelerisumut attavissaq:

AC-fuldmægtigi Conny Steenholdt
E-mail: cost@nanoq.gl
Tlf. nr.: +299 34 56 09