Suliffissarsiuussisarfik

Suliffissaqartitsinermut siunnersortitut Naalakkersuisut amerlanerit suliffeqalernissaannik kissaatigisaannni aalajangiisumik inissisimaffeqarputit. Najugaqarfimmi nunallu sinnerani periarfissanik ilisimasaqarluarnikkut suliaqarlutit iliuuseqarnissat pingaartuuvoq. Taamaalillutit innuttaasunut pitsaanerpaamik ilitsersuisinnaavutit.

Allaassuteqartitsigit! Illoqarfinni najugaqarfigisannilu suliaqarlutik ujartuinikkut, kiisalu nunami periarfissanik ilisimasaqartuarnikkut innuttaasut suliffeqalernissaannut ikiuinissamut periarfissaqarluarputit. Taamaalillutik innuttaasunut pilersitsisinnaassuseq tunniuteqqippat, namminneq inuunerminnik isumaginnitsilersillugit.

Najugaqarfimmi suliffeqarfiit orniguffigikkit

Illoqarfinni najugaqarfigisannilu sunik periarfissaqarnersoq ilisimagukku inuussutissarsiorfinni suliffiulersinnaasut takkuteriaannartut innuttaasut innersuussiffiginissaannut periarfissaqarluassaatit. Taamaalillutit innuttaasut suliffissarsitinnissaannut ikiorpatit aammattaarlu inuussutissarsiorfinni atorfinnik inuttalerneqartussanik ikiorlugit. Tamarmik illit illoqarfigisannut iluaqutaapput.

Nunap sinnerani periarfissanik ilisimannigit

”Arraa! Paamiuni aalisakkanik suliffissuarmi aamma Nanortalimmi kuultisiorfimmi sulisussanik amigaateqarput!” Taama ittunik ilisimasaqarnikkut illoqarfinni innuttaasut suliffeqanngitsut eqqortunik piginnaaneqartut suliffeqalersinnissaannut ikiorsinnaavatit. Suliffeqarfimmullumi nuunnissamut nuttarnerulernissamut aningaasaliissutinik qinnuteqartoqarsinnaavoq.

Suliassat

  • Suliffissarsiortunut, aammalu inunnut piginnaanngorsarnermik ingerlataqartunut iliuusissatut pilersaarutinik suliaqarlunilu malittarinninneq
  • Suliffeqanngitsunik nalunaarsuinerit
  • Suliffeqannginnerup, angerlartitaanerup napparsimanerullu nalaanni suliffissaaleqinermi pisassarisanik ingerlatsineq
  • Nuttarnerulernissamut aningaasaliissutit pillugit qinnuteqaatinik suliarinninneq
  • Suliffissarsiuussineq suliffissamillu innersuussineq
  • Ukioq affakkaarlugit naatsorsueqqissaarutitut ISN-imut nalunaarutit