Nuttarnerulernissamut aningaasaliissutit

Innuttaasoq piginnaaneqarluni najugaqarfimmini suliffissarsisinnaanngippat nuttarnerulernissamut aningaasaliissutit periarfissaasinnaapput.

Nunatsinni suliffissaqarpoq! Inuilli najugarpiaanniikkajunneq ajorput. Suliffissaqartitsinermut siunnersortitut illoqarfimmi allami suliffimmik inuttaligassamik ilisimasaqaruit, najugarisannilu illoqarfimmi piginnaanilimmik suliffissaaleqisoq ilisimagukku nuttarnerulernissamut aningaasaliissutit atorneqarsinnaapput.

Innuttaasunut illoqarfimmi allami suliffissamik innersuunneqartunut nuttarnerulernissamut aningaasaliissutit neqeroorutaasinnaapput. Innuttaasoq imminerminut, aapparisamut aammalu meeqqanut suli 18-iliinngitsunut angalanissamik pigisanillu nuussinissamik neqeroorfigineqarsinnaavoq. Innuttaasup inissarsiornissaq, meeqqerivinni inissarsarsiornissaq il.il. nammineq akisussaaffigai, qaqutiguunngitsukkulli sulisitsisoq tamatuminnga aaqqissuusseqataasinnaavoq. Aamma illit suliffissaqartitsinermut siunnersortitut ikiuussinnaavutit.

Nuttarnerulernissamut aningaasaliissutit pillugit qinnuteqaammut skema aalajangersimasoq atorsinnaavat. Aammattaaq skemamut ilitsersuut takuuk. Skemap eqqortumik immersornissaa pingaartuuvoq.

Inatsisitigut tunngavigisat

Nuttarnerulersitsiniarluni tapiissutit pillugit Namminersornerullutik Oqartussat nalunaarutaat nr. 24, 25. august 2008-meersoq

Nuttarnerulernissamut aningaasaliissutit pillugit ilitsersuut

Aamma innuttaasut nuttartassusaannik misissuineq takuuk.