Allanik ilinniaqqinneq

Suliffeqalernissamut tassuunakkut periarfissaqarlualissappata innuttaasut allanik ilinniaqqinnissamik neqerooruteqarfiusinnaapput.

Nutaanik eqqarsarit! Inuussutissarsiuteqarfiup aalajangersimasup iluani sulissaqanngippat, taamaattumillu innuttaasut suliffeqaratik inuussutissarsiummut allamut ilinniaqqinneq periarfissaasinnaavoq. Innuttaasup sulisinnaassusaata annikillisimannginnera tunngaviuvoq. Taamaappammi pineqartoq piginnaanngorsaaqqiffiusariaqarpoq.

Inuussutissarsiutini allani periarfissaqarpoq!

Ukiuni takkuttussani inuussutissarsiutini siuarsarfiusuni aatsitassarsiornermut takornariaqarnermullu immikkoortortani annertuumik inerikkiartortoqassasoq naatsorsuutigineqarpoq. Taamaattumik inuussutissarsiuteqarfiit uninngaannalersut iluini innuttaasunut sulisunut imaluunniit ilinniarsimasunut allanik ilinniaqqinnissaq periarfissaasinnaavoq.

Inuussutissarsiutit tullersortut aamma periarfissaapput

Naak annerpaamik ineriffiusussatut aatsitassarsiornerup takornariaqarnerullu immikkoortoqarfii naatsorsuutigineqaraluartut malitsigisatut inuussutissarsiorfiit, soorlu sanaartornerup sullissinerullu iluini aamma annertuumik sulisussarsiorfiussapput. Taamaattumik inuussutissarsiutit taakku arlaannut ilinniaqqinnissamut misiliinissaq periarfissatsialaalluarnerusinnaavoq.

Projekt Kompetenceudvikling for Ufaglærte (PKU) ilinniagarsimanngitsunut suliffeqareersunut periarfissaasinnaavoq. Aamma ilinniarsimanngitsut suliffeqanngitsut pikkorissarnermi inissaqassappat ilanngunneqarsinnaassapput.

Inatsisitigut tunngavigisat

Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq

Pisortanit ikiorsiissutit tunniunneqartarnerat pillugu, iliuusissatut pilersaarutit, sulisinnaassuseq il.il. pillugit Namminersornerullutik Oqartussat nalunaarutaat nr. 4, 15. marts 2007-imeersoq

Inatsisartut peqqussutaat nr. 7, 31. maj 2010-meersoq pisortanit ikiorsiissutit pillugit inatsisartut peqqussutaata allanngortinneqarnera