Sulisartut takkussuunnerisa aqunnerat

Nunarput sulisussanik nammineq pilersuisinnaanngimmat avataanit suliartortorpassuit takkuttarput. Suliffissaqartitsinermut siunnersortitut tamatuma eqqortumik pinissaata isumannaarnissaanut akisussaaffeqarputit.

Nunami sulisuusut illersorniarlugit kalaallini sulisartut Nunatsinni suliffinnut siulliusussaatitaanerannik isumannaarisussamik inatsisiliortoqarsimavoq. Suliffissaqartitsinermut siunnersortitut avataanit sulisartut atorfinitsinnissaannut qinnuteqaatit tigusartussaavatit.

Danmarkimi Udlændingeservice qinnuteqaatinik suliaqartartuuvoq. Qinnuteqaatit uunga nassiuttassapput:

Udlændingeservice
Ryesgade 53
2100 København Ø
Danmark

Suliassat

Avataanit suliffissarsiortut atorfinitsinnissaannut imaluunniit atorneqarnissaannut qinnuteqaatit akuersissuteqarfiginissaat imaluunniit itigartitsissutiginissaat. Kommunip atussavaa KISP-ip immersugassaa 431.
Akuersissutit itigartitsissutillu ISN-imut nalunaarutigineri. KISP-ip immersugassaa 433 atussaaq.
Malittarisassianik unioqqutitsinerit kinguneqartinnissaat.
Nalunaaruteqarnernut assigiinngitsunut sulisitsisup avataanit suliffissarsiortut atorfinitsinnissaannut akuerineqarnissamik qinnuteqaammut DSA'-p immersugassaa 430 atussavaa, aammalu avataanit sulisut atorfinitsinnerisa nalunaarutiginerinut immersugassaq 432 atorlugu.

Inatsisitigut tunngavigisat 

Kalaallit Nunaannut suliffissarsiortut killilersimaarnissaat pillugu Inatsisartut inatsisaat nr. 27 30. oktober 1992-imeersoq

Kalaallit Nunaanni suliffissarsiortut killilersimaarnissaat pillugu Namminersornerullutik Oqartussat Nalunaarutaat nr. 24, 26. august 1993-imeersoq

Suliffeqarnermut, suliffissarsiortut ilinniagaqalerniartullu sulilersinneqartarnissaannut kiisalu Kalaallit Nunaannut suliartortartunut tunngasunik kommunalbestyrelsit paasissutissanik nalunaaruteqartarnissaat pillugu Namminersornerullutik Oqartussat nalunaarutaat nr. 20 19. novembari 2007-imeersoq

Se desuden Udlændingeservice for øvrig information samt download af andre skemaer.