Piginnaanngorsaaqqinneq

Naak innuttaasut annikillisamik sulisinnaassuseqaraluartut suliffeqarfimmiittuarsinnaapput. Piffissami aalajangersimasumi innuttaasut suliffeqarfiup avataaniissimasut aamma suliffimmut saqqummiuteqqinneqarsinnaapput. Assigiimmik atugarisaat tassaavoq allanut naleqqiullutik allaanerulaartunik atugassaqarlutik sulisinnaanerat.

Periarfissiigit! Innuttaasut sulisinnaassusaat nalilikkit, piginnaanngorsaaqqinnissamillu neqerooruteqarfigikkit piumasaqaatinik attassippata. Tassaavoq innuttaasut namminneq napatileqqinnissaannut alloriarneq siulleq.

Sioqqutsilluni pensiuneqalernissap pinnagut piginnaanngorsaaqqinneq
Ajoraluartumik innuttaasorpassuit suliffeqarfimmiiginnarunnaarlutik sioqqutsilluni pensiunisianik pisartagaqalersimapput. Tamatumunnga arlalinnik patsiseqartoqarsinnaavoq. Qularutissaanngilarli innuttaasut periarfissaat annertunerujussuussasut sapinngisamik namminneq pilersorsinnaasuugunik. Piginnaanngorsaaqqinneq periarfissanik ammaavoq. Taamaattumik – pisinnaassappat innuttaasup piginnaanngorsaqqinnissaa toqqaruk!

Sulisinnaassutsip annikillisimanera
Innuttaasup piginnaanngorsaqqissinnaanera inuup sulisinnaassusaanit aalajangerneqarpoq. Inoqatigiinnermi patsisit, timikkut innarluuteqarneq, sivisoorsuarmik suliffeqarsimannginneq allalluunniit tassaasinnaapput inuup annikillisamik sulisinnaassuseqalerneranut atugarisat. Sulisinnaassutsip annikillisimanera isumaqarpoq inuttulli allatut assigiimmik atugaqarluni suliffimmik nalinginnaasumik paarisaqarsinnaannginnermik.

Suliassat

  • Piginnaanngorsaaqqinnermut pilersaarusiorneq
  • Innuttaasunut pisortat imlt. namminersortut suliffiutaanni sulinermik misiliinissamut neqerooruteqarneq
  • Innuttaasunut nikerartitamik suliffimmik neqerooruteqarneq
  • Innuttaasunut inuussutissarsiutinut piareersaataasumik imaluunniit paasisaqarfiusutut sulianik neqerooruteqarneq
  • Ilinniagaqarnermik imlt. sungiusarnermik ingerlassani suliffeqarfimmi piginnaanngorsaaqqinnermik neqerooruteqarneq
  • Ilinniagaqarnissamik neqerooruteqarneq
  • Peqqussut naapertorlugu ISN-imut naatsorsueqqissaarutitut paasissutissiorneq

Nalorniguit takuuk Piginnaanngorsaaqqinnermut ilitsersuut (pdf).

Inatsisitigut tunngavigisat

Piginnaanngorsaaqqinnissamut ikiorsiisarneq pillugu Inatsisartut peqqussutaat nr. 4, 31. maj 2001-imeersoq

Piginnaanngorsaaqqinnissamut ikiorsiisarneq pillugu Inatsisartut peqqussutaata allanngortinnissaa pillugu Inatsisartut pequssutaat nr. 3, 1. juni 2006-imeersoq

Suliffeqarfimmi piginnaanngorsaaqqinnermi akissarsianut tapiissutit, piginnaanngorsaaqqinnermut pilersaarut, piginnaanngorsaaqqinnermi ikiorsiissutit aamma eqaannerusumik suliffeqarneq pillugit Namminersornerullutik Oqartussat nalunaarutaat nr. 40, 13. december 2001-imeersoq

Namminersornerullutik Oqartussat nalunaarutaat nr. 17 ulloq 16. oktoberi 2007 Piareersarfinni qitiusumik ingerlatsiviit suliaminnik ingerlatsinerat il.il. naliliisarneq pillugu

Suliffeqarnermut, suliffissarsiortut ilinniagaqalerniartullu sulilersinneqartarnissaannut kiisalu Kalaallit Nunaannut suliartortartunut tunngasunik kommunalbestyrelsit paasissutissanik nalunaaruteqartarnissaat pillugu Namminersornerullutik Oqartussat nalunaarutaat nr. 20 19. novembari 2007-imeersoq