Piginnaanngorsaaqqinneq, aallartisaaneq allanillu ilinniaqqinneq

Sapinngisamik amerlanerpaat suliffeqarfimmiinnissaannik isumannaarinissaq aalajangiivoq. Taamaattorli atugassat nalinginnaat atorlugit inuppassuit suliffeqarsinnaanngillat. Taamaakkaluartoq inuit taakku suliffeqarfiup iluaniissinnaapput piginnaanngorsaaqqinnikkut, imaluunniit aallartisartinnikkut imaluunniit inuussutissarsiummut allamut ilinniaqqinnikkut.

Inuit aallarteqqinnissaannut ikiukkit! Innuttaasoq suliffissaaleqiguni namminneq naleqassutsiminnik misigissusaat appasittuugajuttarpoq. Taamaattumik suliffeqarfimmut akooqqilernissaannik ikiukkit. Inuit ataqatigiinnermut, suliffiusumi ilapittuitilernerisigut namminneq naleqassutsimik misigissusaannik qaffassaaqataasinnaavutit.

Nuannaarneq nammaassaaq
Inuit inuunerinut nuannaassuseq siuarsarnerlu akulerutsinnissaannut ilaasinnaavutit. Piginnaanngorsaaqqinneq, aallartisarneq allanillu ilinniaqqinneq tamatumunnga periarissatsialaapput. Ingerlataqarneq tassaavoq pingaarutilik!

Piginnaanngorsaaqqinneq
Innuttaasup atugassat nalinginnaasut atorlugit suliffeqarsinnaanngippat, suliffimmili atuuffiusumiissinnaalluarluni periarfissatsialaavoq piginnaanngorsaaqqinneq. Piginnaanngorsaaqqinneq innuttaasup suliffimmini attassinissaanut imaluunniit innuttaasup suliffeqarfimmut saqqummiuteqqinnissaanut atorneqarsinnaavoq.

Aallartisaaneq
Aallartisaaneq innuttaasup suliffissaaleqisup nalinginnaasumik atugaqarfiusuni suliffimmik attassilluarsinnaagaangat atorneqarsinnaavoq.

Allanik ilinniaqqinneq
Pineqartup ilinniakkatut inuussutissarsiutaata iluani suliffissaqanngivippat innuttaasoq aalajangersimavissumik allamik ilinniaqqinnissamik pisariaqartitsinerani atorsinnaavoq.