Ilinniagaqarneq

Nunatsinni ilinniagaqarnissamik qinnuteqarniarlutik innuttaasut kissaateqarunik qinnuteqaatitik Piareersarfinnut tunniutissavaat. Aqqutissiuussisartutut eqqortumik aqqutissiuussisarnikkut pingaaruteqarlutit inissisimavutit, taamaalillutik inuit kissaatigisamittut ilinniagarisaat piviusunngorsinnaatilerlugit.

Takorluugaq isumannaarsinnaavat! Innuttaasoq ilinniagaqarnissamut piginnaaneqaruni aqqutissiuussisutut taassuma eqqortumik ilinniagaqarnissamut qinnuteqaammik immersuillunilu nassiussaqarnissaanut ikiuinikkut pingaaruteqarlutit inissisimavutit.

Ingerlatseriaatsit ilisimassavatit!
Qinnuteqarluni immersugassami kukkuneq imaluunniit allatigut amigaateqartoqarnera pissutigalugit innuttaasup ilinniagaqarnermut akuerisaannginnera uggornassaaq. Taamaattumik ilinniakkanut assigiinngitsunut qinnuteqaatinut ingerlatseriaatsit ilisimanissaat pingaartuuvoq. Suungu-mi ingerlatseriaatsit takukkit. Tassani aamma qinnuteqarluni immersugassat assigiinngitsut ipput.

Majoriaqarfiup ilinniarfinnut qinnuteqaatit nassiuttarpai
Majoriaqarfiup qinnuteqaatit aamma tigoorassavai Nunatsinnilu ilinniarfinnut nassiussorlugit. Pappialat pingaarutillit tamarmik, ilinniagaqarsimanermut uppernarsaatit, najugaqarnermut uppernarsaat il.il. ilinniagaqarfissamut nassiutinnginneranni qinnuteqarluni immersugassamut ilanngunneqarsimanerisa illit aqqutissiuussisutut isumannaassagitit pingaaruteqarpoq. Piffissaqartilluarlugu qinnuteqaat nassiutissaaq.

Danmarkimi nunallu allat sinnerini ilinniagaqarneq
Innuttaasoq Danmarkimi ilinniagaqarnissamik qinnuteqarusukkuni qinnuteqaat Danmarkimi Kalaallit Illuutaannut nassiutissaaq. Nunat allat sinnerini innuttaasoq ilinniagaqarnissamik qinnuteqarusukkuni qinnuteqaat Københavnimi Kalaallit Illuutaannut prh@sumut.dk -mut nassiutissaaq. Sunngu-mi periusissaq takuuk.

Piginnaanngorsarnissamik pisariaqartitsisoqartillugu
Ilinniagaqarfimmi tiguneqarnissamut kikkut tamarmik piginnaasaqartuunngillat. Isumaqarpoq aallartinnginnerminni atuagarsornikkut imaluunniit atuagarsornikkuunngitsoq piginnaanngorsartariaqartut. Sammivimmut eqqortumut inuit ingerlateqqinnissaat aallaqqaataaniit isumagiuk.

Ilinniartitaanermut aqqutissiuussisartumut ingerlatseriaatsinut tamakkiisumik takussutissanut takussavatit Ilinniagaqarnersiuteqarnermik aqutsisoqarfiup ingerlatseriaatsinut katersugai . Tassani immersugassat downloadigassat allattorsimaffiat ippoq, ilaatigut tassaniillutik meeqqanut tapiliussat, killiffigisap allanngornera, ilinniakkamik taarsiineq, pisatanik assartuineq il.il.